- სამზარეულო
- მთავარი ინგრიდიენტი
- მომზადების წესი
- კერძი
- წინსაფრიანი პატარები
- მასტერ-კლასი
- ექსპრეს-სამზარეულო
- Georgian cuisine
- დღის მენიუ
- რეცეპტები ავტორების მიხედვით
- საბავშვო მენიუ
- დიეტური კვება
- რეცეპტების ბიბლიოთეკა
რძე - 5 ლიტრი;
კვეთი (მაწიკი, პეპსინი);
ინვნტარი: ალუმინის ჭურჭელი - რძის შესათბობად; ჯამი - ყველის შესანახად.
1.რძე მოათავსეთ ქვაბში და შეათბეთ (აქაც და ყველის მომზადების მთელ პროცესში აკონტროლეთ - მასა არ უნდა ადუღდეს). ჩაასხით მასში კვეთი, მოურიეთ და დატოვეთ თბილ ადგილას 20-30 წუთით (მე მქონდა ყველის კვეთის სითხე 100 გრამიანი ქილით. საზომად მისივე თავი გამოვიყენე - ხუფის მოცულობის ნახევარი ჩავასხი 5 ლიტრ რძეში);
2. აჭრილი რძე ამ დროის გასვლის შემდეგ შემოდგით დაბალ ცეცხლზე და ყველი ხელით მოაგროვეთ. თავიდან ყველის ფანტელები გაიშლება, არ შეგეშინდეთ, მასა წებვადია უპრობლემოდ შეიკვრება. შეგროვების პროცესში ყველი ოდნავ მოწურეთ. ეცადეთ ეს პროცესი დიდხანს არ გაწელოთ, თორემ ყველი ჩაიხარშება. 3. მოგროვილი ყველის მასა მოათავსეთ თიხის ქოთანში, ან ემალირებულ ჯამში. ახალ ამოყვანილი ყველი წათხს მოიყენებს არ გადაასხათ, ქვაბში ჩააბრუნეთ.
4. თუ ყველი სულგუნის დასამზადებლად გჭირდებათ, მაშინ 1-2 დღე უნდა აცალოთ "მოსასვლელად" (ამ შემთხვევაში მაცივარში არ შეინახოთ), თუ არა - მაშინ გაცივების შემდეგ გემრიელად მიირთვათ.
გირჩევთ წათხი (ყველის ამოყვანის შემდეგ დარჩენილი სითხე) არ გადაასხათ. შეგიძლიათ თბილი დალიოთ, ჯანმრთელობისათვის სასარგებლოა; გამოიყენოთ ხაჭაპურის ცომის მო¬საზელად ან გააკეთოთ ნადუღი. ამისათვის სულ ცოტა რამაა საჭირო: წათხი საშუალო ცეცხლზე შემოდგით და წამოადუღეთ. 5-10 წუთი დუღილის შემდეგ, როცა სითხე დაიწ¬მინდება და მასში პატარ-პატარა თეთრი ფანტელები გაჩდება, წვრილბადიან საცერზე, ან ორკეც დოლბანდში გადაწურეთ. უგემრიელესი ნადუღი გექნებათ, დაახლოებით 150 გრამი, მაგრამ ნამდვილად ღირს.
